Elorda áýejaiyndaǵy ushaq jóneltý alańdaryn qardan tazartý úshin 21 tehnika, men 35 adam kúsheitilgen rejimde jumys istep jatyr, dep habarlaidy QazAqparat agenttigi.
Bul týraly Nazarbaev halyqaralyq áýejaiy basqarma tóraǵasynyń óndiris jónindegi orynbasary Erǵazy Joldasov málim etti.
«Qazir qaita aýa raiy sál tynyshtaldy. Túnde kórinis durys bolmaǵnadyqtan, tazalaý jumystary júrgizý qiyn boldy. Ushý-qoný jolaqtaryn tazalaýǵa 21 tehnika, 35 adam kúsheitilgen rejimde jumys istep jatyr. Jolaqqa qatqan muzdy arshý úshin arnaiy reagent qoldanyp jatyrmyz. Eri jaýǵan qardyń áserinen muz qatqan bolatyn. Sondyqtan jolaqty qardan tazartqan soń, astyndaǵy muzdy arshimyz. Aýa raiyna bailanysty ushaqtardy qabyldap, jóneltý de qiynǵa soǵyp tur. Keibir ushaqtarda júksalǵyshtary ashylmai qalyp jatyr. Eri jaýǵan qar qatyp qalyp jatyr», - dep túsindirdi Erǵazy Joldasov.
Jýrnalister áýejai ókilinen Memleket basshysy Qasym-Jomart Toqaevtyń Belgiia Koroldigine josparlanǵan sapary týraly da surady.
«Joq. Ol reis ýaqytynda oryndaldy. Ol tańǵy 10.00-de ushyp shyqty. Túni boiy júrgizilgen jumystyń arqasynda áýejai tańǵy saǵat 09.00-de ashyldy. Prezident kedergisiz ushyp ketti», - dedi áýejai ókili.
