Nur-Sultan qalasy ákimdiginiń birinshi qabatynda azamattardy qabyldaý bólmesi ashyldy, dep habarlaidy Elorda Info. Bul týraly ákim orynbasary Baqtiiar Máken Instagram paraqshasynda jazdy.
«Ákimge jáne orynbasarlaryna jazylǵan azamattardyń sany óte kóp. Endi áriptesterimizben kestege sáikes jazylǵan azamattardy kezegimen qabyldaimyz. Búgin 19 shildede meniń qabyldaýymda 30-ǵa jýyq azamat boldy», - dep jazdy Nur-Sultan qalasy ákiminiń orynbasary Baqtiiar Máken.
Azamattardyń kópshiligin áleýmettik máseleler tolǵandyratynyn atap ótken ol adamdar quqyqtyq, psihologiialyq, taǵy da basqa keńesterge de zárý ekenin jetkizdi.
«Halyqqa qyzmet kórsetý ortalyqtarynan alýǵa tiis keibir anyqtamalardy ákimdikten tez sheship berýdi suraǵandar da boldy. Tiisti basqarmalarǵa turǵyndarmen tyǵyz qarym-qatynasta bolýdy, halyqqa memlekettik baǵdarlamalardy túsindirý jumystaryn kúsheitýdi tapsyrdym», - dedi ol.
