Aýanyń ortasha temperatýrasy bes táýlik boiy +10 gradýstan joǵary bolsa, jylý berý toqtatylady, dep habarlaidy "Ult aqparat" elorda ákimdiginiń resmi saityna silteme jasap.
Qalalyq máslihattyń 2014 jyldyń 27 maýsymyndaǵy «Jylý maýsymyna daiyndyq jáne ony ótkizý qaǵidalary týraly» sheshimine sáikes, aýanyń ortasha temperatýrasy bes táýlik boiy +10 gradýstan joǵary bolsa, Nur-Sultan qalasynyń jergilikti atqarýshy organy jylý maýsymyn toqtatý týraly sheshim qabyldaidy.
Energiia berýshi uiymdar úsh kún ishinde BAQ arqyly jylý maýsymynyń aiaqtalýy jáne jylý júiesin óshirý qajettiligi týraly turǵyndarǵa habarlap, jylý júiesin óshirý týraly akt rásimdeidi.
Jylý maýsymy aiaqtalǵannan keiin tutynýshylar, ortalyq jylý júiesin ajyratyp (qajet bolǵan jaǵdaida biteýishterdi ornata otyryp), jazǵy shema boiynsha ystyq sýmen jabdyqtaý júiesi jumysyn qamtamasyz etýi qajet. Jóndeý jumystary bastalǵanǵa deiin jáne olar aiaqtalǵannan keiin ortalyq jylý júiesi sýmen toltyrylýy kerek.
