Jumyspen qamtý jáne áleýmettik baǵdarlamalar basqarmasynyń janyndaǵy «Jastar praktikasy» uiymymen kolledjder men joǵary oqý oryndarynyń túlekteri úshin aqyly tájiribe ótý uiymdastyryldy, dep habarlaidy Nur-Sultan qalasynyń ákimdigi.
Baǵdarlamanyń maqsaty – túlekterdiń alǵashqy jumys tájiribesin jinaqtaýyna, kásibi bilimderin arttyrýyna, eńbek naryǵyndaǵy básekege qabiletiligin arttyrýǵa jáne jumysqa ornalasýǵa yqpal etý bolyp tabylady.
Baǵdarlamaǵa qatysýshylarǵa eńbekaqy respýblikalyq jáne jergilikti biýdjetter esebinen tólenedi jáne qatysýdyń eń kóp merzimi 6 aidan aspaidy. Ailyq eńbekaqysynyń kólemi - 70 139 teńgeni quraidy.
Jastar praktikasy jumys berýshilerde olardyń menshik nysanyna qaramastan uiymdastyrylýda.
Aǵymdaǵy jyldyń basynan Jastar praktikasyna oqý oryndarynyń 591 túlegi qatysýda. Jalpy, 2019 jyly atalǵan baǵdarlamaǵa 1200 jas túlek qatysady dep kútilýde.
Bailanys telefondary: 57-88-86, «Órken» BO, Beibitshilik, 25 meken-jaiy boiynsha.
