Elorda ákimi Altai Kólginov qaladaǵy mektepterge qansha kompiýter satyp alynatynyn aitty, dep habarlaidy "Ult aqparat".
«Kompiýterler boiynsha tiisti másele bar. Qashyqtan oqytýdy eskere otyryp, kompiýter satyp alýǵa múmkindigi joq otbasylardy qamtyp otyrmyz. Memleket basshysynyń tapsyrmasyna orai, Úkimet tarapynan qarjy bólindi. Qarjynyń tiisti somasy bizge de baǵyttaldy. Kompiýter satyp alýǵa jergilikti ári respýblikalyq biýdjetten 6 mlrd teńge bóldik», - dedi elorda ákimi «Astana» telearnasyna bergen suhbatynda.
Osy oraida ol 35 myńǵa jýyq kompiýter alýǵa baǵyttalǵanyn aitty.
«Osy kompiýterlerdi birinshi kezekte jetim balalar, erekshe qajettiligi bar jetkinshekter, jaǵdaiy joq otbasylar men kópbalaly otbasylar alady. Biz kompiýterlerdi qashyqtan oqytý kezeńine memleket esebinen usynamyz. Qazirgi kezde ótinimder kelip túsýde. Eger otbasynda 5 baladan artyq bolsa, onda eki kompiýter beremiz. Sonymen qatar roýterler de bar, 23 myńǵa jýyq. Osy arqyly internet jyldamdyǵyn joǵarylatý múmkindigi bolady», - dedi Kólginov.
