ەلوردا ەكٸمٸ التاي كٶلگٸنوۆ قالاداعى مەكتەپتەرگە قانشا كومپيۋتەر ساتىپ الىناتىنىن ايتتى, دەپ حابارلايدى "ۇلت اقپارات".
«كومپيۋتەرلەر بويىنشا تيٸستٸ مەسەلە بار. قاشىقتان وقىتۋدى ەسكەرە وتىرىپ, كومپيۋتەر ساتىپ الۋعا مٷمكٸندٸگٸ جوق وتباسىلاردى قامتىپ وتىرمىز. مەملەكەت باسشىسىنىڭ تاپسىرماسىنا وراي, ٷكٸمەت تاراپىنان قارجى بٶلٸندٸ. قارجىنىڭ تيٸستٸ سوماسى بٸزگە دە باعىتتالدى. كومپيۋتەر ساتىپ الۋعا جەرگٸلٸكتٸ ەرٸ رەسپۋبليكالىق بيۋدجەتتەن 6 ملرد تەڭگە بٶلدٸك», - دەدٸ ەلوردا ەكٸمٸ «Astana» تەلەارناسىنا بەرگەن سۇحباتىندا.
وسى ورايدا ول 35 مىڭعا جۋىق كومپيۋتەر الۋعا باعىتتالعانىن ايتتى.
«وسى كومپيۋتەرلەردٸ بٸرٸنشٸ كەزەكتە جەتٸم بالالار, ەرەكشە قاجەتتٸلٸگٸ بار جەتكٸنشەكتەر, جاعدايى جوق وتباسىلار مەن كٶپبالالى وتباسىلار الادى. بٸز كومپيۋتەرلەردٸ قاشىقتان وقىتۋ كەزەڭٸنە مەملەكەت ەسەبٸنەن ۇسىنامىز. قازٸرگٸ كەزدە ٶتٸنٸمدەر كەلٸپ تٷسۋدە. ەگەر وتباسىندا 5 بالادان ارتىق بولسا, وندا ەكٸ كومپيۋتەر بەرەمٸز. سونىمەن قاتار روۋتەرلەر دە بار, 23 مىڭعا جۋىق. وسى ارقىلى ينتەرنەت جىلدامدىعىن جوعارىلاتۋ مٷمكٸندٸگٸ بولادى», - دەدٸ كٶلگٸنوۆ.
