Qazir distribiýterlermen qosymsha maska alý týraly kelissóz júrgizilip jatyr. Bul týraly Ortalyq kommýnikatsiialar qyzmetiniń alańynda ótken brifingte Nur-Sultan qalasy ákiminiń orynbasary Baqtiiar Máken aitty, dep habarlaidy "Ult aqparat".
«Bizdiń qala turǵyndaryn dári-dármek, meditsinalyq maska tapshylyǵy máselesi mazalaidy. Qajetti dári-dármek pen meditsinalyq maskamen qamtamasyz etý úshin bar kúshimizdi salyp jumys isteýdemiz», - deidi Nur-Sultan qalasy ákiminiń orynbasary Baqtiiar Máken.
Ol eki kún buryn qala basshylyǵy maskamen tolyq qamtamasyz etý týraly sheshim qabyldaǵanyn aitty.
«Biz qalany 250 myń maskamen qamtamasyz ettik. Búgingi tańda distribiýterlermen qosymsha maska alý týraly kelissóz júrgizip jatyrmyz. Arnaiy memlekettik organdarǵa, áskeriler men meditsinalyq qyzmetkerlerde maska artyǵymen bolýy kerek, sebebi olar úshin birinshi orynda qajetti nárselerdiń biri – osy maska. Memorandým aiasynda qabyldanǵan sheshim boiynsha, bir adamǵa satylatyn maska 5 danadan kem bolmaýy kerek. Bul eshqandai alypsatarlyq bolmaýy úshin jasalady. Biz «SK Farmatsiia» jáne QR Densaýlyq saqtaý ministrligimen jumys isteimiz. Qala turǵyndary úshin maskadan bólek, dezinfektsiia jasaityn zattar da kerek», - deidi ol.
