Býkingem saraiy Britaniia patshaiymy Elizaveta II koronavirýs juqtyrǵanyn málimdedi.
Bul týraly QazAqparat BBC agenttigine silteme jasap habarlaidy.
Agenttiktiń jazýynsha, patshaiymǵa azdap sýyq tigen. Alaida saraidaǵylar osy aptada onyń Vindzordaǵy qyzmetin jalǵastyratynyn málim etti.
«Oǵan meditsinalyq kómek kórsetilip, barlyq qajetti talaptardy oryndaidy», - delingen málimdemede.
Patshaiymǵa vaktsina salyndy
Elizaveta II 95 jasta. Ol óziniń úlken uly jáne murageri Ýels hanzadasymen bailanysta bolǵany belgili. Al ótken aptada hanzadadan alynǵan synama qorytyndylary onyń koronavirýsqa shaldyqqanyn rastap shyqqan.
2021 jyldyń 9 qańtarynda patshaiym Elizaveta II koronavirýsqa qarsy alǵashqy vaktsinasyn alǵany habarlandy.
Koroldik saraidaǵy BBC tilshisi Nikolas Vitchelldiń aitýynsha, patshaiym vaktsinanyń tolyq kýrsynan ótken.
2022 jyldyń 6 aqpanynda Elizaveta II patshaiym taqtaǵy platina mereitoiyn atap ótti. Ol 70 jyl bilik etken tarihtaǵy alǵashqy britandyq monarh boldy.
Patshaiymnyń platina mereitoiyn toilaýy birshama ýaqytqa sozylady jáne onyń sharyqtaý shegi jazdyń basyna josparlanǵan: Ulybritaniiada 2-5 maýsym aralyǵyndaǵy kúnder jalpyǵa ulttyq demalys jariialandy.
