Tanymal mánerlep syrǵanaýshy Elizabet Tursynbaeva Dimash Qudaibergenniń ánine Býrabai kólinde bi bilep, kópshiliktiń qoshemetine ie bolyp jatyr, dep habarlaidy "Ult aqparat".
«Keshe tuńǵysh ret Býrabaiǵa baryp qaittym. Tumsa tabiǵattyń kórkin tamsanýmen birge ýaqytty jaqsy ótkizdim. Armandarymnyń biri oryndaldy: men kólde Dimash Qudaibergenniń «Bil» ániniń súiemeldeýimen bi biledim. Keiingi kezde sol án sanamda sairap turatyn bolypty», - dep jazdy mánerlep syrǵanaýshy Instagram paraqshasynda.
Elizabet Tursynbaevanyń jankúierleri jazba astynda jaǵymdy pikir qaldyryp jatyr. Keremet kórinis, ertegidegidei degen pikirlerdi kórip, bidiń kópshilikke unaǵanyn ańǵarýǵa bolady.
Elizabet Tursynbaeva Máskeýde dúniege kelgen. Qazaqstannyń atynan (onyń ishinde Qyzylordanyń) óner kórsetedi. Mánerlep syrǵanaýshy tórt ainala (salh) sekirip, álem chempionatynyń kúmis júldesin ielenip, al 2019 jyly tórt qurlyqtyń chempionatynda top jarǵan. Ol qazirgi ýaqytta álemniń eń úzdik mánerlep syrǵanaýshylarynyń ondyǵyna kiredi.
