Elitalyq eskort qyzdar jelisin uiymdastyrýshy Aika appeliatsiialyq shaǵym túsirdi, - dep habarlaidy Tengrinews.kz tilshisi. Bul aqparatty qalalyq sottyń baspasóz qyzmeti rastady.
"Is jaqyn arada Almaty qalalyq sotynyń apelliatsiialyq instantsiiasynda qaralady, protsess jabyq túrde ótedi", - dep habarlady sottyń baspasóz qyzmeti ókilderi.
Eske salaiyq, Aika isi boiynsha sot otyrysy da jabyq ótti. 21 mamyrda Áýezov aýdandyq soty atyshýly bloger jáne "elitalyq eskort qyzdar" jelisin uiymdastyrýshy Aikany 6,5 jylǵa bas bostandyǵynan aiyrdy.
Bloger psihotrop zatty asa iri mólsherde zańsyz satyp aldy, saqtady jáne tasymaldady, sondai - aq 52 epizod boiynsha (296-baptar, 4-bólim, 309-bólim, 2-bólim, QK-niń 1-tarmaǵy), onyń kómekshisi-12-epizod boiynsha, (28-baptar, 5-bólim, 309, 2-bólim, QK 1-tarmaǵy) jeńgetailyqpen ainalysqany úshin aiyp taǵyldy.
Sot barysynda qyz kináni ishinara moiyndady, kómekshisi moiyndamady.
Aikanyń ustalǵany týraly 2023 jylǵy maýsymda belgili boldy. IIM jabyq áleýmettik jelilerdiń anyqtalǵany týraly habarlady, olar arqyly Almatyda aýqatty er adamdarǵa intim jáne eskort-qyzmet kórsetetin modeldik kelbeti bar qyzdardyń qatysýymen jeke seks-keshter uiymdastyrǵan.
