Búgin elordada «Úzdik pedagog» respýblikalyq konkýrs jeńimpazdary marapattaldy. 64 úzdik ustazǵa 2 mln 405 myń teńgeden tabys etildi, dep habarlaidy Baq.kz tilshisi.
Saltanatty sharada QR Parlamenti Senatynyń depýtaty Dariǵa Nazarbaeva ustazdardy kásibi merekesimen quttyqtady.
«Búgin bárimiz úshin óte qýanyshty kún. Óitkeni, bilim salasynda jumys istep jatqan mamandarǵa, ustazdarǵa ərqashan da eldiń alǵysy sheksiz. Búgin sizderdi quttyqtai otyryp, eńbekterińizge tabys tileimin», - dedi Nazarbaeva.
«2018 jyldyń úzdik pedagogi» ataǵyn taǵaiyndaý boiynsha respýblikalyq komissiianyń qaraýyna 147 qujat, onyń ishinde mektepke deiingi jáne orta bilim salasy muǵalimderinen 109 qujat, tehnikalyq jáne kásiptik bilim salasynan 38 qujat kelip túsken.
Biyl aýdandyq jáne qalalyq týrlarǵa qatysqan ustazdar sany ótken jylmen salystyrǵanda 2 ese kóp bolǵan.
Konkýrs qorytyndysy boiynsha, 48 orta mektep muǵalimi jáne 16 kolledj oqytýshysy jeńimpaz atandy.
Jeńimpazdardy marapattaý saltanatynda 64 jeńimpazǵa «2018 jyldyń úzdik pedagogi» tós belgisi, kýálik, sondai-aq, 1000 AEK (2 mln 405 myń teńge) somasynda syiaqy tabys etildi.
Konkýrs jeńimpazy, Kókshetaý qalasyndaǵy daryndy balalarǵa arnalǵan №3 oblystyq mamandandyrylǵan mektep-internattyń himiia pənəniń muǵalimi Dana Iskakova utqan aqshasyn qaida jumsaitynyn aitty.
«Qarajattyń bir bóligi meniń muǵalimdik qyzmetime arnalady. Bilim salasyn damytý úshin avtorlyq baǵdarlamalar daiyndaýǵa, kabinetti jabdyqtaýǵa, jas mamandarǵa arnalǵan ədistemelik kómekter əzirleýge jumsaimyn», - dedi Iskakova.
Atap ótsek, «Úzdik pedagog» konkýrsy 2012 jyldan bastap jyl saiyn ótkizilip keledi.
Jeti jyl ishinde konkýrsqa 31 420 muǵalim qatysqan. Onyń ishinde mektepke deiingi jáne orta bilim, tehnikalyq jáne kásiptik bilim berý uiymdarynyń 368 muǵalimi jeńimpaz atanyp, 1000 ailyq eseptik kórsetkish kóleminde aqshalai syiaqymen jəne «Úzdik pedagog» tósbelgisimen marapattalǵan.
