Foto: Gov.kz
2025 jyldyń qańtar-qyrkúiek ailary aralyǵynda Qazaqstanda 249,3 myń adam dúniege kelip, 97,7 myń adam qaitys bolǵan. Osylaisha eldegi tabiǵi ósim 151,6 myń adamdy qurady, dep habarlaidy Ult.kz.
Bul týraly Ulttyq statistika biýrosynyń resmi málimetterinde jariialandy.
Respýblika boiynsha halyqtyń tabiǵi ósimi oń serpinde saqtalyp otyr. Alaida keibir óńirlerde keri úrdis baiqalýda. Máselen, Soltústik Qazaqstan oblysynda halyq sany 947 adamǵa, al Shyǵys Qazaqstanda 343 adamǵa azaiǵan.
Qostanai oblysynda jalpy halyq sany artqanyna qaramastan, aýyldyq jerlerde turǵyndar sany 124 adamǵa qysqarǵan. Bul ýrbanizatsiia úderisiniń jalǵasyp jatqanyn jáne aýyldyq aýmaqtardan qalaǵa kóshý dinamikasynyń áli de ózekti ekenin kórsetedi.
Ulttyq statistika biýrosynyń derekterine súiensek, el halqynyń ósý qarqyny jalpy alǵanda turaqty. Degenmen jekelegen aimaqtarda halyqtyń azaiýy óńirlik damý strategiiasyn qaita qaraýdy qajet etýi múmkin.
