Foto: UQK baspasóz qyzmeti
Qazaqstannyń úsh óńirinde terrorizmdi nasihattady jáne qarjylandyrdy degen kúdikpen úsh adam ustaldy, - dep habarlaidy "Ult aqparat" Ulttyq qaýipsizdik qyzmetiniń baspasóz qyzmetine ilteme jasap.
"UQK 20 jáne 24 qańtarda prokýratýra jáne politsiia organdarynyń járdem kórsetýimen Astana, Shymkent qalalarynda jáne Aqtóbe oblysynda dini radikaldar áreketiniń jolyn kesý boiynsha operatsiialar ótkizdi.
Jedel qyzmetkerler terrorizmdi nasihattady jáne qarjylandyrdy degen kúdikpen úsh adamdy ustap, qamaýǵa aldy.
QR Qylmystyq kodeksiniń 256-baby 2-bóligi jáne 258-baby 1-bóligi boiynsha sotqa deiingi tergep-tekserý bastaldy" - delingen habarlamada.
Vedomstvo málimetinshe, qazirgi ýaqytta osy isterdiń barlyq mán-jaiyn anyqtaý úshin jedel jáne tergeý is-sharalary júrgizilip jatyr.
Qylmystyq-protsestik kodekstiń 201-baby 1-bóligine sáikes ózge aqparat jariia etýge jatpaidy.
Foto, video: UQK baspasóz qyzmeti
