Tanymal vainerler men blogerler Býrabaida jinaldy, dep habarlaidy QazAqparat tilshisi.
«Visit Aqmola» týristik aqparat ortalyǵynyń málimeti boiynsha sharaǵa elimizdiń ár óńirinen jinalǵan vainerler qatysty.
Blogerler kúnin atap ótý 2005 jyldyń 31 tamyzynan bastaý alady. Oǵan LiveJournal jýrnalynyń qoldanýshylarynyń Blog sózin 3108 degen sandarǵa uqsastýy sebep bolǵan. Sondyqtan, blog (blogerler) kúni 8 aidyń 31 kúnine belgilengen eken.
Shara sheńberinde vainerler Býrabaidyń kórikti jerlerine saiahat jasap, «Shýche-Býrabai» kýrortty aimaǵynda mádeni-tarihi oryndarmen tanysty. Sonymen qatar, «Burabay Land» taqyryptyq saiabaǵy, shipajailar jáne qonaqúilerde boldy.
«Bul elimizdiń ǵajaiyp mekeni - Býrabai kýrortynda otandyq tanymal vainerlerdiń bas qosyp otyrǵan alǵashqy BLOG-Fest sharasy. Mundaǵy basty maqsat - Býrabai kýrortynyń tanymaldylyǵyn arttyrý. Shara jyl saiyn dástúrli túrde uiymdastyrylyp otyrady», - deidi «Borovoe_travel» kompaniiasynyń direktory Rýslan Omarhanov.
