Elimizde epidemiologiialyq ahýal ýshyǵyp ketken jaǵdaida óńirlerde blokpostar qoiylady. Bul týraly QR Densaýlyq saqtaý vitse-ministri - Bas memlekettik sanitar dáriger Erlan Qiiasov aitty, dep habarlaidy "Ult aqparat".
«Búgingi kúni ózge óńirlerge blokpost qoiýdyń qajettiligi baiqalyp otyrǵan joq. Tek Qaraǵandy oblysynda blokpost ornatý josparlanyp otyr. Alaida, onyń ózi blokpost emes, sanitarlyq beket bolýy múmin. Bul aldyn alý sharalaryn arttyrý aiasyndaǵy jergilikti atqarýshy organdardyń bastamasy bolatyn», - dedi ol Ortalyq kommýnikatsiialar qyzmetindegi baspasóz máslihatynda.
Onyń aitýynsha, atalǵan óńirge qarasty Aqtoǵai aýdanynda «Altyn almaz» kásiporny qyzmetkeri arasynda koronavirýstyń órshý oshaǵy tirkelgen.
«Tolyqtai alǵanda el boiynsha qazirgi jaǵdaiǵa bailanysty blokposttar qoiý taiaý ýaqyttyń ishine josparlanyp otyrǵan joq. Tek epidemiologiialyq jaǵdai ýshyǵyp ketse ǵana qolǵa alynýy múmkin», - dedi Erlan Qiiasov.
