Biyl elimizdiń ońtústigi men ońtústik-shyǵysyndaǵy taýly ózenderdiń kópshiliginde sý az bolady. Bul týraly búgin Úkimet otyrysynda QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy "Ult aqparat".
«Respýblikanyń taýly aimaqtarynda qar qory boiynsha jaǵdai kelesidei: Shyǵys Qazaqstan oblysynyń Buqtyrma sý qoimasy aýmaǵynda qar qory jyldyq ortasha mánderden 26 paiyzdan 49 paiyzǵa deiin tómen. Ertis ózeniniń sol jaq salasynda atalǵan kórsetkish ortasha kópjyldyq mánderdiń sheginde», - dedi ol.
Onyń dereginshe, Jambyl jáne Túrkistan oblystarynyń taýlarynda qar qory ortasha kópjyldyq mánderden 40 paiyzdan 82 paiyzǵa deiin, al Almaty oblysynyń taýlarynda 25 paiyzdan 56 paiyzǵa deiin az.
«Sonymen qatar, kórshiles Ózbekstan men Qyrǵyzstan aýmaǵynda qar qory ortasha kópjyldyq mánderden 30 paiyzdan 60 paiyzǵa deiin az ekenin aita ketý kerek. Bul degenimiz, elimizdiń ońtústigi men ońtústik-shyǵysyndaǵy taýly ózenderdiń kópshiliginde biylǵy jyly sý az bolady dep boljanady», - dedi ministr.
