2016 jyldan beri elimizden 518 izdeýdegi adam basqa elderge berildi. Bul týraly Senattyń jalpy otyrysynda depýtat Nurlan Beknazarov málim etti, dep habarlaidy "Ult aqparat".
«Jalpy tiisti sharttar negizinde 2016 jyldan bastap 2021 jyldyń 1 toqsany aralyǵynda elimizden 518 izdeýdegi adam basqa elderge berildi. Tiisinshe elimizge izdeýde júrgen 346 adam qaitaryldy. Biyldyń 1 sáýirdegi jaǵdaiy boiynsha elimizdiń quqyq qorǵaý organdarymen izdestirýde 2 341 adam bar, onyń ishinde memleketaralyq izdestirýde - 750, halyqaralyq izdestirýde – 1 591 adam», - dedi senator.
