QR Ulttyq ekonomika ministri Rýslan Dálenov qai óńirlerde shaǵyn jáne orta biznes úlesi kóbirek ekenin aitty, dep habarlaidy QazAqparat.
«Nur-Sultan men Almaty qalalary qazaqstandyq shaǵyn jáne orta biznes qurylymynda ilgeri tur. Olarǵa jalpy óńirlik ónim kóleminiń úshten biri, sondai-aq ShOB-ta jumyspen qamtylǵandardyń úshten biri tiesili», - dedi ministr Qazaqstanda shaǵyn jáne orta kásipkerlikti damytý salasyndaǵy memlekettik saiasatty jáne quqyqtyq retteýdi jetildirý taqyrybyndaǵy Parlamenttik tyńdaýda.
Onyń aitýynsha, 2019 jyly jalpy ishki ónimdegi ShOB úlesi 31,7 paiyzdy qurady. 2015 jyly atalǵan kórsetkish 24,9 paiyz boldy. Shaǵyn jáne orta biznesti ósimi ekonomikada ońtaily ózgeristerdiń kórsetkishin qalyptastyrady.
«Bizdiń maqsat – 2025 jylǵ qarai jalpy ishki ónimdegi ShOB úlesin 35 paiyzǵa deiin, 2050 jylǵa qarai 50 paiyzǵa deiin jetkizý. Bul damyǵan elderdiń deńgeiine sáikes keledi. Bizneste jumyspen qamtylǵandar jyl saiyn artyp keledi. Qazirgi kezde olardyń sany 3,5 mln adamǵa jetti», - dedi Rýslan Dálenov.
