Ótken apta ishinde Nur-Sultan jáne Almaty qalalarynda koronavirýs juqtyrǵandardyń sany 1,7 ese ósken. Bul týraly Úkimettiń otyrysynda Densaýlyq saqtaý ministri Aleksei Tsoi aitty, dep habarlaidy "Ult aqparat".
«Qazaqstanda 29 maýsymdaǵy jaǵdai boiynsha 421 121 adamnan kornavirýs anyqtaldy. 26 maýsymnan beri Qazaqstan Respýblikasy «qyzyl» aimaqta tur. «Qyzyl» aimaqta 5 óńir bar – Nur-Sultan, Almaty qalalary men BQO, Almaty jáne Qaraǵandy oblystary. Basqa óńirler «sary» jáne «jasyl» aimaqta tur. Sońǵy aptanyń ishinde koronavirýs infektsiiasynyń 39 paiyz ósimi baiqalyp otyr», - dedi vedomstvo basshysy.
Onyń aitýynsha, kún saiyn statsionarlardaǵy tósekterdiń júktelimi de kóbeiip keledi.
«Respýblika boiynsha infektsiialyq tósekterdiń júktelimi 29 paiyzǵa, reanimatsiialyq tósekterdiń júktelimi 24 paiyzǵa jetti. Respýblikaadaǵa syrqatanýdyń kórsetkishiniń ósimi Almaty jáne Nur-Sultan qalalaryndaǵy 1,7 paiyz ósimmen bailanysty. Bul búkil respýblikadaǵy syrqattaný kórsetkishiniń 43 paiyzyna teń», - dedi Aleksei Tsoi.
