ٶتكەن اپتا ٸشٸندە نۇر-سۇلتان جەنە الماتى قالالارىندا كوروناۆيرۋس جۇقتىرعانداردىڭ سانى 1,7 ەسە ٶسكەن. بۇل تۋرالى ٷكٸمەتتٸڭ وتىرىسىندا دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«قازاقستاندا 29 ماۋسىمداعى جاعداي بويىنشا 421 121 ادامنان كورناۆيرۋس انىقتالدى. 26 ماۋسىمنان بەرٸ قازاقستان رەسپۋبليكاسى «قىزىل» ايماقتا تۇر. «قىزىل» ايماقتا 5 ٶڭٸر بار – نۇر-سۇلتان, الماتى قالالارى مەن بقو, الماتى جەنە قاراعاندى وبلىستارى. باسقا ٶڭٸرلەر «سارى» جەنە «جاسىل» ايماقتا تۇر. سوڭعى اپتانىڭ ٸشٸندە كوروناۆيرۋس ينفەكتسيياسىنىڭ 39 پايىز ٶسٸمٸ بايقالىپ وتىر», - دەدٸ ۆەدومستۆو باسشىسى.
ونىڭ ايتۋىنشا, كٷن سايىن ستاتسيونارلارداعى تٶسەكتەردٸڭ جٷكتەلٸمٸ دە كٶبەيٸپ كەلەدٸ.
«رەسپۋبليكا بويىنشا ينفەكتسييالىق تٶسەكتەردٸڭ جٷكتەلٸمٸ 29 پايىزعا, رەانيماتسييالىق تٶسەكتەردٸڭ جٷكتەلٸمٸ 24 پايىزعا جەتتٸ. رەسپۋبليكااداعا سىرقاتانۋدىڭ كٶرسەتكٸشٸنٸڭ ٶسٸمٸ الماتى جەنە نۇر-سۇلتان قالالارىنداعى 1,7 پايىز ٶسٸممەن بايلانىستى. بۇل بٷكٸل رەسپۋبليكاداعى سىرقاتتانۋ كٶرسەتكٸشٸنٸڭ 43 پايىزىنا تەڭ», - دەدٸ الەكسەي تسوي.
