Sinoptikterdiń boljamynsha, 16-18 maýsym aralyǵynda Qazaqstan aýmaǵynda aýa raiy qubylmaly bolady. Elimizdiń basym bóliginde jańbyr jaýyp, naizaǵai oinaidy. Kei óńirlerde jel kúsheiip, burshaq túsýi múmkin, dep habarlaidy ult.kz.
16 maýsymda Mańǵystaý, Soltústik Qazaqstan jáne Aqmola oblystarynda, al 18 maýsymda Soltústik Qazaqstan men Aqmola oblystarynda qatty jańbyr jaýady dep kútilýde.
Sonymen qatar kúndiz elimizdiń ońtústik-batysy men ońtústiginde aýa temperatýrasy +35...+40 gradýsqa deiin kóterilip, aptap ystyq bolady.
Soltústik, shyǵys jáne ortalyq óńirlerde de kún qatty ysidy. Munda aýa temperatýrasy +35...+38 gradýsqa deiin joǵarylaidy.
Al eldiń qalǵan aýmaǵynda temperatýralyq fon aitarlyqtai ózgermeidi.
