Elimizdiń birqatar óńirinde kóshede, dúkende dári satqandar ustaldy. Bul týraly QR Sybailas jemqorlyqqa qarsy is-qimyl agenttigi Parasattylyq departamentiniń direktory Ǵanijan Asanuly aitty, dep habarlaidy QazAqparat.
«Anyqtalǵan kelesi buzýshylyq – ol dári-dármekterdi arnaiy mamandandyrylǵan orynjai men dárihanalardan tys jerlerde satý. Qoldanystaǵy zańnama talaptaryna sáikes dári-dármekterdi tek dárihana qoimalarynda jáne dárihanalarda satýǵa bolady. Osy talapty buzǵandarǵa 194 460 teńge kóleminde aiyppul qarastyrylǵan. Osyǵan qaramastan Jambyl oblysynda dárihanalarda tapshy bolyp otyrǵan Paratsetamol jáne taǵyda basqa antibiotikter bazarlarda tiisti ruqsatsyz satylǵan. Osy óńirde oblys ortalyǵynyń turǵyny TsEF-3 preparatynyń 30 ampýlasyn kóshede, al ekinshisi «Aspirindy» dúkende satqan», - dedi ol agenttiktiń baspasóz qyzmeti alańynda ótken brifing barysynda.
Onyń dereginshe, Shyǵys Qazaqstan oblysynda dárilik zattar men meditsinalyq buiymdardy internet arqyly arnaiy ruqsatsyz satý faktisi anyqtaldy.
«Azamattardyń mamandandyrylmaǵan orynjaida dárilik zattardy joǵary qunmen satý faktisi Qostanai, Pavlodar oblystarynda da tirkelgen. Barlyq dári-dármekter tárkilenip, quqyq buzýshylarǵa qatysty Ákimshilik quqyq buzýshylyq kodeksiniń 424-baby boiynsha 3 ákimshilik is qozǵaldy», - dedi Ǵanijan Asanuly.
