Sýret ashyq derekkózden alyndy
Sinoptikter 7-9 qańtarǵa arnalǵan aýa raiy boljamyn usyndy, - dep habarlaidy "Ult aqparat".
Meteorologtar málimeti boiynsha, Atlant tsiklony jáne onymen bailanysty atmosferalyq fronttar eldiń barlyq aýmaǵynda turaqsyz aýa raiy rejimin saqtai otyryp, shyǵysqa qarai baiaý yǵysýyn jalǵastyrady. Qazaqstannyń shyǵysynda qalyń qar jaýady, al ońtústiginde jańbyr men qar, taýly aimaqtarda qatty jaýyn-shashyn bolady.
Respýblikanyń barlyq aýmaǵynda burqasyn, kóktaiǵaq qubylystary, batysta jáne ońtústikte tuman kútiledi.
"Biraq 7 qańtarda sýyq arktikalyq antitsiklon eldiń batysynan aýysa bastaidy, onymen jaýyn-shashynnyń birtindep toqtaýy jáne batysta, sodan keiin eldiń qalǵan bóliginde aýa temperatýrasynyń kúrt tómendeýi kútiledi. Termometr baǵandary tómendeidi: batysta, eldiń ortalyǵynda 20-28 gradýs aiazǵa deiin, soltústik-batysta, respýblikanyń soltústiginde 25-33 gradýs aiazǵa deiin, shyǵysta 5-13 gradýs aiazǵa deiin, al eldiń ońtústiginde 0-10 gradýs aiazǵa deiin", - delingen habarlamada.
