Ataýly áleýmettik kómek kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deiingi balalaryn kepildik berilgen áleýmettik toptamamen qamtý jumysy júrip jatyr. Bul jóninde Eńbek jáne halyqty áleýmettik qorǵaý ministrligi habarlady.
Búgingi kúni kómek alýshylardyń jalpy sany - 103 myń otbasy. Onda 125 myń bala tárbielenip jatyr. Onyń ishinde 44 myń otbasyndaǵy 69 myń balaǵa nemese 55 paiyzyna áleýmettik toptama berilip úlgerdi.
Oblys ortalyqtarynda áleýmettik toptamalar iri saýda jelileri men kásiporyndar arqyly beriledi.
Mysaly, Nur-Sultan, Almaty, Shymkent qalalarynda, Jambyl, Almaty, Soltústik Qazaqstan oblystarynyń ortalyqtarynda áleýmettik toptamalardy qalyptastyrý men berýdi «MAGNUM» saýda jelisi qamtamasyz etedi.
Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanai, Qyzylorda, Mańǵystaý, Pavlodar jáne Túrkistan oblystarynda áleýmettik toptamalardy «Anvar», «Altyndar», «Kóktem», «Imperiia zaboty» saýda jelileri jáne basqa da jetkizýshiler usynady.
Esterińizge sala keteiik, áleýmettik toptama berý aqpan aiynan bastaldy. Áleýmettik toptamanyń quramyna ai saiynǵy jáne toqsan saiynǵy negizde usynylatyn azyq-túlik jiyntyqtary men turmystyq himiia jiyntyqtary kiredi.
