Qazaqstanda 3 mamyrdan bastap juma namazyn ashyq aýada oqýǵa ruqsat berildi. Bul týraly eldiń bas memlekettik sanitar dárigeri Erlan Qiiasovtyń jańa qaýlysynda jazylǵan.
Qaýlyǵa sáikes, eldegi meshitter aýmaǵynda juma namazyn oqýǵa ruqsat berilip otyr.
"Meshitter, pravoslavie shirkeýleri jáne basqa da dini obektiler aýmaǵynda ujymdyq dini is-sharalardy (onyń ishinde "juma namazy", kúndelikti pravoslavielik duǵalar jáne basqalaryn) ashyq aýada ótkizý maska rejimi men bir adamǵa keminde 4 metr esebinen áleýmettik araqashyqtyq saqtalǵan kezde júzege asyrylady", - delingen qaýlyda.
Qaýly 3 mamyrdan bastap kúshine endi.
Aita keteiik, 2021 jyly Ramazan aiy 13 sáýirde bastaldy. Qasietti ai 12 mamyrǵa deiin jalǵasady. 8 mamyrdan 9 mamyrǵa qaraǵan tún – Qadir túni.
Budan buryn ministr Tsoi da Úkimet otyrysynda bul ózgeris týraly habarlaǵan edi. «Qyzyl» jáne «sary» aimaqtardaǵy dini nysandardyń qyzmetine jabyq úi-jaida ujymdyq is-sharalar ótkizbei, ashyq aýada qyzmet kórsetýine ruqsat etildi», - dedi ol jiynda.
