Qazaqstan Respýblikasynyń bas memlekettik sanitariialyq dárigeri Aijan Esmaǵambetovanyń Qazaqstanda karantindik sharalardy kúsheitý týraly qaýlysy jariialandy, dep habarlaidy "Ult aqparat".
Qaýly mátinine sáikes, oblystardyń ákimderi halyqtyń tynys-tirshiligin qamtamasyz etý uiymdarynyń qyzmetkerlerin, meditsinalyq kórsetilimder boiynsha shyǵatyn jáne kiretin adamdardy, sondai-aq oblys ortalyqtarynyń, qalalardyń, aýdandardyń, aýyldyq eldi mekenderdiń aýmaǵynan shyǵýǵa jáne oǵan kirýge tyiym salýǵa mindetteledi. Sonymen qatar aimaq basshylary apattyq-qutqarý, jedel meditsinalyq járdem qyzmetteriniń qoljetimdiligin jáne úzdiksiz jumysyn qamtamasyz etýdi eskere otyryp, karantindik aimaqqa kirý/shyǵý pýnktterin aiqyndaýy tiis. Qala boiynsha jáne aýdandar, aýyldyq eldi mekender arasynda oramdar men sektorlarǵa bóle otyryp, blokposttardy ornata otyryp, karantindik aimaqta júrip-turýdy shekteýi kerek.
Ishki ister jáne Qorǵanys ministrlikteriniń qyzmetkerlerin tarta otyryp, COVID-19-men syrqattanýshylyq tirkelgen aýyldy eldimekenderdi qorshaý kerek dep esepteidi. Qaýly boiynsha áýejaidyń, temirjol vokzalynyń, avtovokzaldar men avtostantsiialardyń qyzmeti toqtatylyp, qalaaralyq, aýdanaralyq avtobýs qatynastaryna, sondai-aq jeke tasymaldaýǵa tyiym salynýy kerek.
Ekinshi deńgeidegi bankter, «Qazpochta» AQ bólimsheleriniń, aiyrbastaý pýnktteriniń qyzmetin onlain jumys rejimine jáne «klientterge deiin jetkizý» qaǵidaty boiynsha kóshirý arqyly toqtata turýy tiis.
Qaýlynyń tolyq mátinin myna siltemeden oqýǵa bolady.
