Qazaqstannyń altyn valiýta qory sońǵy bir aida 2,2 mlrd dollarǵa ósti, dep habarlaidy "Ult aqparat".
Bul týraly Ulttyq bank tóraǵasynyń orynbasary Áliia Moldabekova aitty.
«Altyn valiýta rezervteri mamyrdyń sońynda aidyń basyndaǵy deńgeiden 2,2 mlrd AQSh dollaryna ulǵaiyp, 36,5 mlrd AQSh dollaryn qurady. Altyn valiýta rezervteriniń ulǵaiýy eń aldymen altyn baǵasynyń bir ýntsiia úshin 1769 AQSh dollarynan 1892 AQSh dollaryna deiin qalpyna kelýi aiasynda altyn portfeliniń 1,9 mlrd AQSh dollaryna (nemese 7%-ǵa) ósýi aiasynda boldy. Rezervter quramyndaǵy altynnyń úlesi 67,7%-ǵa jetti. Baǵaly metall baǵasynyń ósýine AQSh memlekettik baǵaly qaǵazdar kiristiliginiń tómendeýi jáne AQSh dollary baǵamynyń jahandyq tómendeýi sebep boldy», - dei Ulttyq bank ókili.
Áliia Moldabekovanyń aitýynsha, erkin konvertatsiialanatyn valiýtadaǵy aktivter 311 mln AQSh dollaryna, onyń ishinde depozitter men Ulttyq bank shottaryndaǵy qarajattyń esebinen 297 mln AQSh dollaryna ósken.
