قازاقستاننىڭ التىن ۆاليۋتا قورى سوڭعى بٸر ايدا 2,2 ملرد دوللارعا ٶستٸ, دەپ حابارلايدى "ۇلت اقپارات".
بۇل تۋرالى ۇلتتىق بانك تٶراعاسىنىڭ ورىنباسارى ەلييا مولدابەكوۆا ايتتى.
«التىن ۆاليۋتا رەزەرۆتەرٸ مامىردىڭ سوڭىندا ايدىڭ باسىنداعى دەڭگەيدەن 2,2 ملرد اقش دوللارىنا ۇلعايىپ, 36,5 ملرد اقش دوللارىن قۇرادى. التىن ۆاليۋتا رەزەرۆتەرٸنٸڭ ۇلعايۋى ەڭ الدىمەن التىن باعاسىنىڭ بٸر ۋنتسييا ٷشٸن 1769 اقش دوللارىنان 1892 اقش دوللارىنا دەيٸن قالپىنا كەلۋٸ اياسىندا التىن پورتفەلٸنٸڭ 1,9 ملرد اقش دوللارىنا (نەمەسە 7%-عا) ٶسۋٸ اياسىندا بولدى. رەزەرۆتەر قۇرامىنداعى التىننىڭ ٷلەسٸ 67,7%-عا جەتتٸ. باعالى مەتالل باعاسىنىڭ ٶسۋٸنە اقش مەملەكەتتٸك باعالى قاعازدار كٸرٸستٸلٸگٸنٸڭ تٶمەندەۋٸ جەنە اقش دوللارى باعامىنىڭ جاھاندىق تٶمەندەۋٸ سەبەپ بولدى», - دەٸ ۇلتتىق بانك ٶكٸلٸ.
ەلييا مولدابەكوۆانىڭ ايتۋىنشا, ەركٸن كونۆەرتاتسييالاناتىن ۆاليۋتاداعى اكتيۆتەر 311 ملن اقش دوللارىنا, ونىڭ ٸشٸندە دەپوزيتتەر مەن ۇلتتىق بانك شوتتارىنداعى قاراجاتتىڭ ەسەبٸنەن 297 ملن اقش دوللارىنا ٶسكەن.
