Elimizdiń 2 oblysynda jáne bir qalasynda terroristik qaýiptiń «qyzyl» deńgeii saqtalady, dep habarlaidy QazAqparat Respýblikalyq Terrorizmge qarsy kúres jónindegi jedel shtabtyń baspasóz qyzmetine silteme jasap
Qazaqstan Respýblikasy Prezidentiniń 2013 jylǵy 9 tamyzdaǵy «Terrorizm aktisi qateriniń týyndaýy týraly aqparat monitoringiniń jáne halyqty habardar etýdiń memlekettik júiesiniń uiymdastyrylýy men jumys isteý qaǵidalaryn bekitý týraly» №611 Jarlyǵynyń talaptaryna sáikes terrorizmge qarsy kúres jónindegi oblystyq jáne qalalyq jedel shtabtar basshylarynyń sheshimimen 2022 jylǵy 13 qańtardan bastap elimizdiń kelesi óńirlerinde terroristik qaýiptiliktiń ortasha («sary») deńgeii belgilendi:
- Soltústik Qazaqstan oblysynda jáne Qaraǵandy oblysynyń Balqash qalasynda 14 táýlik merzimge;
- Pavlodar oblysynda 10 táýlikke;
- Aqmola oblysynda erekshe ókimge deiin.
2022 jylǵy 14 qańtardan bastap Batys Qazaqstan oblysynda terroristik qaýiptiliktiń ortasha «sary» deńgeii 14 táýlikke engizildi.
Terroristik qaýiptiliktiń joǵary «qyzǵylt sary» deńgeii ú.j. 13 qańtardan bastap Nur-Sultan qalasynda jáne 14 qańtardan bastap Shymkent qalasynda 14 táýlik merzimge engizildi.
Asa joǵary «qyzyl» deńgei Jambyl, Almaty oblystarynda jáne Almaty qalasynda saqtalýda. Atalǵan óńirlerde terrorizmge qarsy operatsiia jalǵasýda.
