Qazaqstanda COVID-19 virýsynan qansha júkti áiel emdelip jatyr? Bul suraqqa Ortalyq kommýnikatsiialar qyzmetinde ótken baspasóz máslihatynda Densaýlyq saqtaý vitse-ministri Ajar Ǵiniiat jaýap berdi, dep habarlaidy "Ult aqparat".
Baspasóz máslihatynda aitylǵandai, pandemiia bastalǵaly 8 800 júkti áiel koronavirýs juqtyryp alǵan.
«Qazirgi ýaqytta 247 áiel statsionarda emdelip jatyr. Elde balanyń qursaqta jatqan kezinde koronavirýs juqtyrý jaǵdaiy tirkelgen joq. Tek dúniege kelgennen keiin anasymen bir tósekte jatqan 124 sábi bir aptanyń ishinde koronavirýs juqtyryp alǵan. Alaida aýrý simptomsyz dárejede ótedi. Biz tek diagnoz arqyly olardyń koronavirýs juqtyrǵanyn anyqtap otyrdyq», - dedi Ajar Ǵiniiat.
