Elimizdegi jylý, sýmen jabdyqtaý jáne sý burý jelileriniń tozý deńgeiiniń ortasha kórsetkishi 53 %-dy quraidy, dep habarlaidy QazAqparat.
Indýstriia jáne infraqurylymdyq damý ministrliginiń málimetinshe, sońǵy 7 jylda tozý deńgeiiniń jalpy kórsetkishi 13 paiyzǵa tómendegen.
TJM respýblikalyq daǵdarys ortalyǵy jáne jergilikti atqarýshy organdardyń málimetteri boiynsha, 2022-2023 jyldardaǵy jylytý maýsymy bastalǵannan beri elimiz boiynsha 26 tehnologiialyq aqaý oryn alǵan, onyń ishinde:
– avtonomdy qazandyqtarda – 2 (Aqmola jáne Almaty oblystarynda);
– jylýmen jabdyqtaý jelilerinde – 11 (Jetisý – 1, Qaraǵandy – 7, Pavlodar – 1, Astana-1, Almaty-1);
– sýmen jabdyqtaý jelilerinde – 13 (Abai – 1, Aqmola – 2, Almaty – 1, ShQO – 1, BQO – 1, Qaraǵandy – 1, Pavlodar – 1, SQO – 2, Ulytaý – 1, Astana - 2).
«2015-2022 jyldar aralyǵynda ártúrli qarjylandyrý kózderinen jylý júieleriniń qurylysy, rekonstrýktsiialaý jáne jańǵyrtý jumystaryna 344 mlrd teńge bólingen. Nátijesinde 3 667 km injenerlik jeli salynyp, qaita jańartylǵan. Osylaisha, jalpy tozý deńgeii 65%-dan 53 paiyzǵa deiin tómendedi. 2022 jyldyń sońyna deiin bul kórsetkishti 51%-ǵa deiin tómendetý josparlanýda», - dep jazdy vedomstvodan.
Turǵyn úi-kommýnaldyq infraqurylymdy damytý tujyrymdamasy sheńberinde 2026 jylǵa qarai jylý, sýmen jabdyqtaý jáne sý burý jelileriniń tozýynyń jalpy kórsetkishin 45%-ǵa deiin azaitý kózdelip otyr.
