Qazaqstanda tirkelgen kólikterdiń 48,9 paiyzy 20 jyl buryn shyǵarylǵan. Mundai derekterdi Ulttyq statistika biýrosy keltirdi, dep habarlaidy QazAqparat.
Atalǵan organnyń dereginshe, qazaqstandyqtardyń tek 6,8 paiyzy shyǵarylǵan merzimi 3-7 jyl aralyǵyndaǵy kólikterdi minedi.
«2022 jylǵy maýsymda Qazaqstanda 95 801 jeńil kólik esepke qoiyldy. Bul – byltyrǵymen salystyrǵanda 6,5 paiyzǵa az.
Jalpy, el boiynsha 3 mln 907,2 myń kólik bar. Jeńil avtomobilder Almaty oblysynda kóp. Onda 501,5 myń kólik tirkelgen. Odan keiin tizimde Almaty (463,7 myń kólik) jáne Nur-Sultan (285,4 kólik) qalalary tur. Al, jeńil avtomobilder eń az óńir – Qyzylorda oblysy. Atalǵan aimaqta 97,3 myń kólik tirkeýge alynǵan», - dep málim etti Ulttyq statistika biýrosy.
Elimizde tirkeýge qoiylǵan temirtulparlardyń 86,7 paiyzy benzinmen qozǵalady. Aralas otynmen júretin kólikterdiń úlesi – 9,1 paiyz.
