Qazaqstanda ilingen jarnamalarda memlekettik tildegi mátin mindetti bolýy kerek. Osy oraida bannerler, mańdaishalar, habarlandyrýlar, jarnama, baǵa kórsetkishterine qatysty osyndai talap engiziledi, dep habarlaidy QazAqparat.
Aita keteiik, búgin Parament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine kórneki aqparat máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy.
Zań jobasy boiynsha baiandama jasaǵan QR Mədeniet jəne sport ministri Aqtoty Raiymqulova kórneki aqparat quraldary (bannerler, mańdaishalar, habarlandyrýlar, jarnama, baǵa kórsetkishteri jáne t.b.) eldegi qoǵamdyq-saiasi, áleýmettik-ekonomikalyq jaǵdaiǵa áser etetin mańyzdy quraldar bolyp sanalatynyn aitty.
Derektemeler men kórneki aqparat mátinderin orfografiia normalaryna sáikes jazý talaby qazaq tilindegi mátinderdiń sapasyz jazylýyna, orfografiialyq qatelerge jol bermeýge baǵyttalǵan.
«Qujatty bekitýden kútiletin nátijege toqtalsaq, memlekettik tildiń kórneki aqparatta mindetti túrde qoldanylýyn qamtamasyz etý, derektemeler men kórneki aqparat mátinderin orfografiia normalaryna sáikes jazýdy qamtamasyz etý, mátinderdiń eki tilde teńtúpnusqalylyǵyn saqtap jazýdy qamtamasyz etý.Zań jobasyn qabyldaý elimizdegi til saiasatyn tiimdi iske asyrýǵa yqpal etetin bolady, teris quqyqtyq jáne áleýmettik-ekonomikalyq saldarǵa ákep soqtyrmaidy», - dedi A. Raiymqulova.
Onyń aitýynsha, kórneki aqparatty ashyq keńistikte jáne ǵimarattar ishinde zańnamada belgilengen tártippen memlekettik organdarmen qatar kez kelgen kásipkerlik sýbektileri júzege asyra alady. Kásipkerlik sýbektileri kórneki aqparatty óz ónimi men qyzmetin ilgeriletý quraly retinde paidalanady.
«Memlekettik organdarǵa azamattardan kórneki aqparatty ornalastyrý kezinde til týraly zańnama talaptarynyń buzylýyna bailanysty shaǵymdardyń kóptep túsýi oryn alýda. Osy oraida memlekettik tildegi kórneki aqparattyń bolmaýyn azamattar Qazaqstan Respýblikasy Konstitýtsiiasynyń 14-babynda bekitilgen óz quqyqtaryna qysym jasaý dep sanaidy», - dedi ministr.
