Qazaqstandaǵy vaktsinalar qaýipsizdik boiynsha úsh kezeńdi tekseristen ótkiziledi. Bul týraly "Ult aqparat" QR DSM Dárilik zattardy, meditsinalyq maqsattaǵy buiymdardy jáne meditsina tehnikasyn ulttyq saraptaý ortalyǵynyń baspasóz qyzmetine silteme jasap habarlaidy.
Qazaqstandaǵy immýnobiologiialyq preparattardy baqylaýda ulttyq organ qyzmetin atqaratyn QR DSM Dárilik zattardy, meditsinalyq maqsattaǵy buiymdardy jáne meditsina tehnikasyn ulttyq saraptaý ortalyǵy vaktsinalardyń qaýipsizdigi men ekpelerdiń ulttyq kúntizbesi týraly aityp berdi.
Vaktsinalar - tehnologiialarynyń kúrdeligimen, quramymen, adamnyń aǵzasyna áser etý mehanizminiń ártúrliligimen erekshelenetin jáne sapa men baqylaý jaǵynan erekshe talap etetin immýnobiologiialyq preparattar.
Aǵzaǵa vaktsina jiberilgennen keiin infektsiiaǵa qarsy spetsifikalyq belsendi immýnitet qalyptasady. Vaktsinatsiia men immýnoprofilaktika jumystary densaýlyq saqtaý salasyndaǵy memlekettik saiasattyń basym baǵyttary bolǵandyqtan, Qazaqstan halqyn qaýipsiz ári tiimdi vaktsinatsiiamen qamtamasyz etý úshin bizdiń elimizde vaktsinalardy baqylaýdyń memlekettik júiesi jumys isteidi.
Saraptama barysynda vaktsinalardyń sapasy úsh kezeńnen turatyn tekseristen ótedi: bastapqy saraptama, taldaý saraptamasy jáne mamandandyrylǵan saraptama. Osy saraptama jumystarynyń bári de Dárilik zattardy, meditsinalyq maqsattaǵy buiymdardy jáne meditsina tehnikasyn ulttyq saraptaý ortalyǵynda jáne onyń memlekettik jáne halyqaralyq standarttar boiynsha akredittelgen synaq laborotoriialarynda júrgiziledi. Máselen, ortalyqtyń janynda immýnobiologiialyq preparattardyń saraptamasyn júrgizetin Ortalyq Aziiadaǵy tuńǵysh biologiialyq synaq laborotoriiasy jumys atqaryp tur. Biotehnologiia, immýnologiia men ózge de ǵylym túrleriniń belsendi túrde damýyna bailanysty ortalyqqa qarasty labortoriialar turaqty túrde jańǵyrtylyp otyrady. Al ondaǵy sarapshylar óziniń quziretteriniń aiasyn keńeitip, biliktiligin arttyrýda.
Qazaqstanda biýdjet qarajatynyń esebinen qaýipti sanalatyn 21 aýrýdyń túri boiynsha aldyn ala ekpe jumystary júrgiziledi. Ol aýrýlardyń qataryna týberkýlez, qyzylsha, gepatit jáne taǵy basqa syrqattar jatady. Infektsiialyq aýrýlarǵa qarsy josparly ekpe jumystaryna aldyn ala ekpeniń ulttyq kúntizbesinde bekitilgenindei, qazaqstandyqtar jasy boiynsha tartylady. Bul qujat QR Úkimetiniń qaýlysymen bekitilgen normativti-quqyqtyq qujat bolyp sanalady.
Sonymen birge, halyqtyń ózge de toptary ekpe jasata alady: infektsiialyq aýrýdyń oshaǵy sanalatyn óńirlerdiń turǵyndary, táýekel topta eńbek etip júrgen toptaǵy azamattar (máselen, meditsinalyq qyzmetkerler, kanalizatsiialyq jáne tazartý júiesinde eńbek etetin adamdar, dispanserlik eseptegi balalar, balalar úiindegi jetkinshekter, qarttar úii men ózge de mekemelerdegi adamdar) bar.
Ulttyq kúntizbe bizdiń elimizdegi epidemiologiialyq jailylyqty qamtamasyz etý boiynsha mańyzdylyǵy jaǵynan bastapqy resmi qujat bolyp sanalady ári qaýipsizdikti qamtamasyz etý boiynsha Búkilálemdik densaýlyq saqtaý uiymynyń talaptaryna sai keledi.
