2022 jyldyń naýryz aiynda bir qyzmetkerdiń ortasha ailyq ataýly jalaqysy 275 438 myń teńgege jetti. Mundai derekti Ulttyq statistika biýrosy usyndy, dep habaroaidy QazAqparat.
Biýro málimetinshe, 2022 jylǵy aqpanda halyqtyń orta eseppen jan basyna shaqqandaǵy ataýly aqshalai tabystary baǵalaý boiynsha 143 246 (aldyn ala derekter) teńgeni qurady. Bul 2021 jylǵy aqpanǵa qaraǵanda 17,3 paiyzǵa joǵary. Naqty aqshalai tabys kórsetilgen kezeńde 7,9 paiyzǵa artty.
2022 jylǵy naýryzda jumyssyzdar sany baǵalaý boiynsha 457,4 myń adam boldy. Jumyssyzdyq deńgeii jumys kúshi sanynyń 4,9 paiyzyn qurap otyr. 2022 jylǵy naýryzdyń sońynda jumyspen qamtý organdarynda jumyssyzdar retinde tirkelgen adamdar sany 175 myń adamǵa jetti.
