Jol erejesin buzǵan qyrǵyz, armian jáne reseilik nómirmen júrgen júrgizýshilerge aiyppuldar salynbaq, dep habarlaidy "Ult aqparat".
«21 qazannan bastap elordadaǵy jáne Aqmola, Aqtóbe, Atyraý, Shyǵys Qazaqstan, Qaraǵandy, Qostanai, Mańǵystaý, Pavlodar oblystarynda, sonymen qatar Shymkent qalasyndaǵy foto jáne videotirkeý júielerinde tirkelgen ereje buzýshylyqtar týraly nusqaýlardy tek qazaqstandyq nómiri bar júrgizýshiler ǵana emes, sheteldik tirkeýde turǵan avtokólik ieleri de alady», - delingen QR Bas prokýratýrasynyń quqyqtyq statistika jáne arnaiy esepke alý jónindegi komitetiniń baspasóz habarlamasynda.
Buryn mundai múmkindik bolǵan joq, sebebi ereje buzýshylyqtar týraly nusqaýlar tek Qazaqstan Respýblikasynda tirkelgen kólikterdiń tehnikalyq pasportyna jazba negizinde jasalǵan. Sheteldik nómir belgileri boiynsha kólik júrgizýshisi kim ekenin anyqtaý jáne ákimshilik aiyppul salý qiyn bolǵan.
«Sondai-aq, sońǵy 3 jylda sheteldik nómirdi kólikterdiń qatysýymen bolǵan jol-kólik oqiǵalary 2 ese ósip ketken. Osy sebepti mundai kólik ielerine aiyppul salý joldaryn qarastyrý qajet bolǵan», - deidi Komitet.
Qazaqstan Respýblikasy aýmaǵyndaǵy júrgizýshilerde kólik quraly qai elde tirkelgenine qaramastan mindetti saqtandyrý polisi bolýy kerek ekenin aita ketý kerek.
Aita ketsek, sheteldik kólikti basqaratyn adamnyń kim ekeni týraly aqparat saqtandyrý polisiniń negizinde anyqtalady, onda adam jáne kólik quraly týraly barlyq qajetti sáikestendirý aqparaty bar.
