جول ەرەجەسٸن بۇزعان قىرعىز, ارميان جەنە رەسەيلٸك نٶمٸرمەن جٷرگەن جٷرگٸزۋشٸلەرگە ايىپپۇلدار سالىنباق, دەپ حابارلايدى "ۇلت اقپارات".
«21 قازاننان باستاپ ەلورداداعى جەنە اقمولا, اقتٶبە, اتىراۋ, شىعىس قازاقستان, قاراعاندى, قوستاناي, ماڭعىستاۋ, پاۆلودار وبلىستارىندا, سونىمەن قاتار شىمكەنت قالاسىنداعى فوتو جەنە ۆيدەوتٸركەۋ جٷيەلەرٸندە تٸركەلگەن ەرەجە بۇزۋشىلىقتار تۋرالى نۇسقاۋلاردى تەك قازاقستاندىق نٶمٸرٸ بار جٷرگٸزۋشٸلەر عانا ەمەس, شەتەلدٸك تٸركەۋدە تۇرعان اۆتوكٶلٸك يەلەرٸ دە الادى», - دەلٸنگەن قر باس پروكۋراتۋراسىنىڭ قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸنٸڭ باسپاسٶز حابارلاماسىندا.
بۇرىن مۇنداي مٷمكٸندٸك بولعان جوق, سەبەبٸ ەرەجە بۇزۋشىلىقتار تۋرالى نۇسقاۋلار تەك قازاقستان رەسپۋبليكاسىندا تٸركەلگەن كٶلٸكتەردٸڭ تەحنيكالىق پاسپورتىنا جازبا نەگٸزٸندە جاسالعان. شەتەلدٸك نٶمٸر بەلگٸلەرٸ بويىنشا كٶلٸك جٷرگٸزۋشٸسٸ كٸم ەكەنٸن انىقتاۋ جەنە ەكٸمشٸلٸك ايىپپۇل سالۋ قيىن بولعان.
«سونداي-اق, سوڭعى 3 جىلدا شەتەلدٸك نٶمٸردٸ كٶلٸكتەردٸڭ قاتىسۋىمەن بولعان جول-كٶلٸك وقيعالارى 2 ەسە ٶسٸپ كەتكەن. وسى سەبەپتٸ مۇنداي كٶلٸك يەلەرٸنە ايىپپۇل سالۋ جولدارىن قاراستىرۋ قاجەت بولعان», - دەيدٸ كوميتەت.
قازاقستان رەسپۋبليكاسى اۋماعىنداعى جٷرگٸزۋشٸلەردە كٶلٸك قۇرالى قاي ەلدە تٸركەلگەنٸنە قاراماستان مٸندەتتٸ ساقتاندىرۋ پوليسٸ بولۋى كەرەك ەكەنٸن ايتا كەتۋ كەرەك.
ايتا كەتسەك, شەتەلدٸك كٶلٸكتٸ باسقاراتىن ادامنىڭ كٸم ەكەنٸ تۋرالى اقپارات ساقتاندىرۋ پوليسٸنٸڭ نەگٸزٸندە انىقتالادى, وندا ادام جەنە كٶلٸك قۇرالى تۋرالى بارلىق قاجەتتٸ سەيكەستەندٸرۋ اقپاراتى بار.
