Qazaqstanda koronavirýs juqtyrý kórsetkishi 20 paiyzǵa tómendedi. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Qazirgi ýaqytta virýs juqtyrǵandardyń tómendeýine qatysty oń dinamika baiqalady jáne epidemiologiialyq ahýal birtindep turaqtalyp kele jatyr. Máselen, sońǵy 2 aptada oǵan deiingi eki aptamen salystyrǵanda naýqastaný kórsetkishi 20 paiyzǵa azaidy», - dedi ministr.
Onyń dereginshe, óńirler sheginde 18 mamyrdaǵy jaǵdaiǵa sáikes, infektsiialyq tósek-oryndardyń tolymdylyǵy 36, al reanimatsiialyq tósek-oryndardyń tolymdylyǵy 28 paiyzdy qurap otyr.
«Infektsiialyq tósek-oryndardyń eń joǵary tolymdylyǵy Nur-Sultan qalasynda - 49, Almaty oblysynda - 45 paiyz, reanimatsiialyq tósek-oryndar tolymdylyǵy Nur-Sultan qalasynda - 52, Almaty qalasynda 47 paiyzdy quraidy», - dedi Densaýlyq saqtaý ministri.
