Foto: ashyq derekkóz
Qazaqstan Respýblikasy Týrizm jáne sport ministrligi 2024 jyldyń qorytyndysy boiynsha elimizdegi eń tanymal sport túrleri týraly derekterdi usyndy. Statistikada buqaralyq jáne ózge de sport túrleri qamtylǵan, dep habarlaidy Ult.kz.
Derekterge sáikes, elimizde eń kóp qatysýshysy bar úiirme – fýtbol. Atalǵan sport túrimen 1 113 299 adam ainalysady. Aita keterligi, olardyń jartysynan kóbi aýyldyq jerde turady. Bul – fýtboldyń el aýmaǵynda keń taraǵan ári qoljetimdi sport túri ekenin dáleldeidi.
Keiingi oryndarǵa myna sport túrleri jaiǵasqan:
🔹Klassikalyq voleibol – 767 580 adam (onyń ishinde aýyldyq jerde – 421 035)
🔹Basketbol – 541 819 (aýyldyq jerde – 238 853)
🔹Fýtzal – 368 349 (aýyldyq jerde – 130 744)
🔹Jeńil atletika – 347 654 (aýyldyq jerde – 174 261)
🔹Shahmat – 278 101 (aýyldyq jerde – 128 243)
🔹Ústel tennisi – 262 835 (aýyldyq jerde – 127 416)
🔹Doiby – 213 490 (aýyldyq jerde – 115 198)
🔹Toǵyzqumalaq – 202 217 (aýyldyq jerde – 119 302)
🔹Qazaq kúresi – 160 399 (aýyldyq jerde – 87 030)
Bul kórsetkishter el azamattarynyń dástúrli jáne zamanaýi sport túrlerine degen qyzyǵýshylyǵynyń joǵary ekenin, sondai-aq halyqtyń salamatty ómir saltyn ustanýǵa degen umtylysy artyp kele jatqanyn kórsetedi. Ministrlik buqaralyq sportty damytý jáne óńirlerde qoljetimdi sport infraqurylymyn qalyptastyrý baǵytyndaǵy baǵdarlamalardy júzege asyrýdy odan ári jalǵastyrady.
