Foto: Polisia.kz
IIM Shymkent jáne Pavlodar qalalarynda jas bopsalaýshylardy ustady, – dep habarlaidy "Ult aqparat" Polisia.kz portalyna silteme jasap.
"Politsiia vedomstvosynda jastar arasynda, onyń ishinde kámeletke tolmaǵandar arasynda kriminalitet jáne “ury” ideologiiasy yqpalyna jol bermeý jónindegi keshendi sharalar qabyldanyp jatyr.
23 qańtarda Shymkent jáne Pavlodar qalalarynda jedel-izdestirý is-sharalaryn júrgizý barysynda bopsalaýlarǵa, tonaýlarǵa, alaiaqtyqtarǵa, bas bostandyǵynan zańsyz aiyrýǵa qatysy bar eki jastar toby ustaldy" - delingen habarlamada.
Pavlodar oblysy politsiia departamenti uiymdasqan qylmysqa qarsy kúres basqarmasynyń jedel áshkereleý orbitasynda 18 jastan 23 jasqa deiingi aralyqtaǵy bes jas jergilikti turǵynnan quralǵan top bolǵan.
"Kúdikti adamdar kriminaldyq ideologiianyń yqpalymen ózderiniń qurdastaryn oqý oryndary men jataqhanalarda, sondai-aq saýda oiyn-saýyq ortalyqtarynda qorqytý jáne kúsh qoldaný arqyly onlain-qosymshalar arqyly nesieler resimdeýge májbúrlegen, sodan keiin aqsha jáne taýarlaryn alǵan. Olarǵa bopsalaý, tonaý jáne alaiaqtyq qylmystary boiynsha aiyp taǵyldy. Qylmystyq toptyń barlyq qatysýshylary ustalyp, ýaqytsha ustaý izoliatoryna qamaldy", – deidi QR IIM uiymdasqan qylmysqa qarsy kúres departamentiniń basqarma bastyǵy Qýandyq Alpys.
Osyǵan uqsas ustaýlar Shymkent qalasynda júrgizilip, onda 24 jasqa deiingi alty adamnan turatyn jastar tobynyń qylmystyq áreketiniń joly kesilgen.
"Figýranttar ózderin politsiia qyzmetkeri retinde tanystyryp, ózderiniń qurbandaryn qorqytý, uryp-soǵý jáne bas bostandyǵynan zańsyz aiyrý arqyly iri kólemdegi qarajat bopsalaǵan. Qylmystyq toptyń barlyq qatysýshylary ustalyp, ýaqytsha ustaý izoliatoryna qamaldy", – dedi Qýandyq Alpys.
Kórsetilgen faktiler boiynsha Shymkent qalasy jáne Pavlodar oblysy politsiia departamentteriniń tergeý organdary sotqa deiingi tergep-tekserý júrgizip jatyr.
Ustalǵan adamdarǵa úsh jyldan jeti jylǵa deiingi merzimge bas bostandyǵynan aiyrý túrindegi jaza qoldanylady.
