Endi elimizdegi balabaqshalarda balany baǵalaý júiesi engiziledi.
31-arnanyń Informbiýro jańalyqtar baǵdarlamasynyń habarlaýynsha, bóbekjaidaǵy tárbieshiler balanyń minez-qulqyn, bilimge degen yntasyn qaǵazǵa túrtip otyrady. Búldirshin sol qujatpen mektep tabaldyryǵyn attaidy.
Premer-ministrdiń orynbasary Tamara Dúisenovanyń aitýynsha, balabaqshaǵa barǵan balalar kóbine mektepke daiyndyqsyz keledi. Al baǵalaý engizilse, mektepke daiyndai bastaidy. Al qujat balanyń psihologiialyq daiyndyǵyn aishyqtaidy. Sonyń arqasynda muǵalimder aldyna kelgen oqýshy týraly aqparat alady. Jańa bastamany bóbekjai tárbieshileri de qoldady. Sebebi baǵalaý ata-ananyń balasyna degen jaýapkershiligin arttyryp, balany sebepsiz qalý jaǵdailary da azaiady deidi.
"Balabaqshada bala qorshaǵan orta, jol erejesi, otandy súiýdi úirenedi. Qazir myna zamanda tili kesh shyǵatyn balalar bar. Biz ondai balalardy bólmeimiz, kei bala orta topqa baryp, mektepaldy daiarlyq tobyna barǵanda endi-endi sóilei bastaidy. Jospar boiynsha búgingi ótken taqyryp, erteń ótilmeidi. Ol bala úlgermei qalatyn jaǵdailar da bolady. Sondyqtan ata-ana men tárbieshi tyǵyz bailanysta bolyp, balabaqshadan qalmasa balanyń nátijesi sonda joǵary bolady", – dedi balabaqsha meńgerýshisi Nazgúl Saýdabekova.
