QR Indýstriia jáne infraqurylymdyq damý ministrliginiń Avtomobil joldary komiteti «Jol aktivteri sapasynyń ulttyq ortalyǵy» úsh aida júrgizilgen jumystardyń qorytyndylaryn shyǵardy, dep habarlaidy QazAqparat.
«Osy ýaqyt aralyǵynda ortalyq mamandary el óńirlerindegi joldarǵa 1398 sapar jasap, talaptardy buzýdyń 1522 faktisin anyqtady. Olardyń biraz bóligi avtomobil joldaryn qysqy kezeńde kútip ustaý sapasynyń tómendigine qatysty», - delingen QR IIDM málimetinde.
Atap aitqanda, ortalyqtyń kóshpeli zerthanalary respýblikalyq mańyzy bar jol ýchaskelerine 1294 sapar jasady. Zerthanalyq jumystar júrgizilgen jol ýchaskeleriniń jalpy uzyndyǵy 27 myń shaqyrymnan asady. 3 aidyń ishinde respýblikalyq mańyzǵa ie joldarda 582 nysan tekserildi. Tekseris jumystarynyń nátijesinde, nysandardyń talaptarǵa sai emes ekendigi anyqtaldy. Osy rette merdiger uiymdarǵa 579 hat joldandy.
Sondai-aq, 2020 jyldyń alǵashqy toqsanynda jergilikti avtomobil joldarynyń 4500 shaqyrymy tekserilgen bolatyn. Zerthanalar mundai joldarǵa 104 sapar jasap, 136 kemshilikti anyqtady.
