Foto: Qazaqstan Media
Qazaqstandaǵy alǵashqy AES-ke úzdik ataý berý konkýrsy bastaldy, dep habarlaidy Atom energiiasy jónindegi agenttikke silteme jasap.
"Qazaqstan azamattarynyń barynsha kóp qamtylýy úshin AES-ke úzdik ataý berý boiynsha usynystar eGov Mobile qosymshasy arqyly qabyldanady. Konkýrstyń atom salasy qyzmetkerleri kúni qarsańynda bastalýy – indýstriianyń Qazaqstannyń áleýmettik-ekonomikalyq damýyna qosyp otyrǵan úlesiniń aiqyn dáleli", – dedi Atom energiiasy jónindegi agenttiginiń tóraǵasy Almasadam Sátqaliev.
25 qyrkúiekten 10 qazanǵa deiin eGov Mobile qosymshasy arqyly usynystar qabyldanady. 11–20 qazan aralyǵynda kelip túsken usynystar taldanyp, qazan aiynyń sońyna deiin AES-tiń úzdik ataýy anyqtalmaq.
AES-ke úzdik ataý berý jónindegi jalpyulttyq konkýrstyń erejeleri Atom energiiasy jónindegi agenttiktiń resmi saitynda jáne Telegram arnasynda jariialanady.
Agenttik atap ótkendei, konkýrs ashyq ári aiqyn ótedi. Árbir azamat AES-ke óz ataýyn usyna alady, al komissiianyń qorytyndy sheshimi qazan aiynyń sońyna qarai belgili bolady.
