Elimizde 9 oblysta aýa raiyna bailanysty eskertý jariialandy, dep habarlaidy "Ult aqparat" Qazgidrometke silteme jasap.
5 tamyzda kúndiz Aqmola oblysynyń batysynda 36 gradýs qatty ystyq bolýy múmkin. Soltústik-shyǵystan jel soǵady, jyldamdyǵy kúndiz kei jerlerde 15-20 m/s jetedi.
Erteń kúndiz Nur-Sultanda soltústik-shyǵystan jel soǵady ekpini 16 m/s.
5 tamyzda kúndiz Soltústik Qazaqstan oblysynda 35 gradýs qatty ystyq bolady. Shyǵystan jel soǵady kei jerlerde kúshi 15-20 m/s jetedi.
5 tamyzda tańerteń jáne kúndiz Qyzylorda oblysynyń kei jerlerinde naizaǵai oinap, kún kúrkireidi. 5 tamyzda Qyzylorda oblysynda soltústik-batystan jel soǵady, kúshi kei jerlerde 15-20 m/s jetedi. Kúndiz óte joǵary órt qaýpi saqtalady.
5 tamyzda kúndiz Qostanai oblysynda 35-37 gradýs qatty ystyq bolýy yqtimal. Soltústik-shyǵystan, shyǵystan jel soǵady, kúndiz kei jerlerde jyldamdyǵy 15-20 m/s jetedi.
Erteń Qostanai qalasynda soltústik-shyǵystan, shyǵystan jel soǵady, kúndiz ekpini 16 m/s jetedi.
5 tamyzda kúndiz Almaty oblysynda 35 gradýs qatty ystyq bolýy múmkin.
Taldyqorǵanda kúndiz 35 gradýs ystyq bolady.
5 tamyzda Aqtóbe oblysynyń kei jerlerinde naizaǵai oinap, daýyl soǵady, tuman túsip, kúndiz burshaq jaýýy múmkin. Shyǵystan, soltústik- shyǵystan jel soǵady, kei jerlerinde kúshi 15-20 m/s jetedi.
Sol kúni Aqtóbe qalasynda naizaǵai oinap, shyǵystan jel soǵady, kúndiz ekpini 18 m/s jetedi.
5 tamyzda Mańǵystaý oblysynynyń kei jerlerinde naizaǵai oinap, daýyl soǵady, burshaq jaýady. Jel batystan, ońtústik-batystan, kúshi kei jerlerde 15-20 m/s jetedi.
Erteń tańerteń jáne kúndiz Aqtaý qalasynda naizaǵai jarqaldap, kún kúrkireidi. Jel batystan, ońtústik-batystan soǵady, kúndiz ekpini 18 m/s jetedi.
5 tamyzda Batys Qazaqstan oblysynyń kei jerlerinde naizaǵai oinap, daýyl soǵady, burshaq jaýady. Jel soltústik-shyǵystan kei jerlerde jyldamdyǵy 15-20 m/s jetedi.
Oralda erteń naizaǵai oinap, soltústik-shyǵystan jel soǵady, jyldamdyǵy 18 m/s jetedi.
5 tamyzda Atyraý oblysynyń kei jerlerinde qatty jańbyr-burshaq jaýady, naizaǵai oinap, daýyl jel soǵady. Soltústik-batystan jel soǵady, kei jerlerde kúshi 15-20 m/s jetedi.
Erteń Atyraý qalasynda jańbyr jaýady, kún kúrkirep, naizaǵai oinaidy.
