Qazaqstanda shyǵarylatyn qaldyqtardyń 18 paiyzy ǵana óńdeýge jiberiledi. Qalǵany poligondarǵa kómilip otyr. Bul týraly Qazaqstandaǵy BUU Damý baǵdarlamasynyń turaqty ókiliniń orynbasary Vitalii Vremish aitty, dep habarlaidy QazAqparat.
«BUU biyl ǵana Qazaqstanda jańa baǵdarlama boiynsha áriptestikti bastady. 2025 jylǵa deiin josparlanǵan baǵdarlamaǵa qorshaǵan ortany qorǵaýǵa arnalǵan basym baǵyttardyń bári enip otyr. Sońǵy 15 jylda BUU qoldaýymen elde 200-den astam joba iske asyryldy. Jyl saiyn Qazaqstanda úlken kólemdegi qatty turmystyq qaldyq qordalanady.
«Jyl saiyn Qazaqstanda 4,5-5 mln tonna qatty turmystyq qaldyq jáne 1 mlrd tonnaǵa jýyq ónerkásiptik qaldyq túziledi. Qatty turmystyq qaldyqtardyń 80%-dan astamy poligondarǵa jóneltiledi. Sonyń tek 18%-y qaita óńdeledi. Ol poligondardyń kóbi stardartqa sai emes. Memleket bul problemany sheshý úshin qaldyqtarmen jumys isteýde «jasyl» saiasatty qalyptastyrýǵa jáne nyǵaitýǵa baǵyt aldy», - dedi BUU ókili Green energy & Waste recycling forum atty jańartylatyn energiia jáne qaldyqtardy qaita óńdeý jónindegi 5-shi eýraziialyq biznes-forýmynda.
Sondai-aq, ol búgin kúshine engen Ekologiialyq kodekstiń jańa redaktsiiasy Qazaqstannyń jasyl ekonomikaǵa kóshý jónindegi ulttyq maqsattarǵa qol jetkizýine múmkindik ashatynyna senim bildirdi.
