Qazaqstan temirjoly qyzmetkerleri kúsheitilgen jumys rejimine kóshti. Bul qardyń mol jaýýy men avtokólik joldarynyń jabylýy kezinde jolaýshylardy tasymaldaý úshin qajet.
"Barlyq óńirde qatty boran kezinde temirjoldy tazalaý jumysy táýlik boiy júrgiziledi. Temirjol kóligi myńǵa jýyq jolaýshyny shyǵardy. Osy maqsatqa 25 jolaýshylar sostavy jumyldyryldy. Aýa raiy qolaisyzdyǵy kezinde poiyzdar qozǵalysynyń kestesi buzylmas úshin qoldan kelgenniń bári jasalyp jatyr", - dep atap ótti "Qazaqstan temir joly" (QTJ) ulttyq kompaniiasy.
Sońǵy bes kúnde qardyń mol jaýýy men boran soǵýyna bailanysty toǵyz myńǵa jýyq temirjolshy jumyldyryldy. Olar 50 myń tekshe metrden astam qardy, 15 kilometrge jýyq joldy tazalady. Bul úshin qar tazalaý tehnikasy magistarldyq jelilerge 200 ret barǵan eken.
"Aýa raiy buzylǵan jaǵdaida qosymsha kúshter jumyldyrylady", - dep naqtylady Qazaqstan temir joly.
Atap ótsek, qazir Pavlodar, Qaraǵandy, Jambyl oblystary men basqa da birqatar óńirde mol qar jaýyp, boran soǵyp, jol nashar kórinedi. Sol sebepten birneshe tas jol jabyq.
