قازاقستان تەمٸرجولى قىزمەتكەرلەرٸ كٷشەيتٸلگەن جۇمىس رەجيمٸنە كٶشتٸ. بۇل قاردىڭ مول جاۋۋى مەن اۆتوكٶلٸك جولدارىنىڭ جابىلۋى كەزٸندە جولاۋشىلاردى تاسىمالداۋ ٷشٸن قاجەت.
"بارلىق ٶڭٸردە قاتتى بوران كەزٸندە تەمٸرجولدى تازالاۋ جۇمىسى تەۋلٸك بويى جٷرگٸزٸلەدٸ. تەمٸرجول كٶلٸگٸ مىڭعا جۋىق جولاۋشىنى شىعاردى. وسى ماقساتقا 25 جولاۋشىلار سوستاۆى جۇمىلدىرىلدى. اۋا رايى قولايسىزدىعى كەزٸندە پويىزدار قوزعالىسىنىڭ كەستەسٸ بۇزىلماس ٷشٸن قولدان كەلگەننٸڭ بەرٸ جاسالىپ جاتىر", - دەپ اتاپ ٶتتٸ "قازاقستان تەمٸر جولى" (قتج) ۇلتتىق كومپانيياسى.
سوڭعى بەس كٷندە قاردىڭ مول جاۋۋى مەن بوران سوعۋىنا بايلانىستى توعىز مىڭعا جۋىق تەمٸرجولشى جۇمىلدىرىلدى. ولار 50 مىڭ تەكشە مەتردەن استام قاردى, 15 كيلومەترگە جۋىق جولدى تازالادى. بۇل ٷشٸن قار تازالاۋ تەحنيكاسى ماگيستارلدىق جەلٸلەرگە 200 رەت بارعان ەكەن.
"اۋا رايى بۇزىلعان جاعدايدا قوسىمشا كٷشتەر جۇمىلدىرىلادى", - دەپ ناقتىلادى قازاقستان تەمٸر جولى.
اتاپ ٶتسەك, قازٸر پاۆلودار, قاراعاندى, جامبىل وبلىستارى مەن باسقا دا بٸرقاتار ٶڭٸردە مول قار جاۋىپ, بوران سوعىپ, جول ناشار كٶرٸنەدٸ. سول سەبەپتەن بٸرنەشە تاس جول جابىق.
