2016-2020 jyldar aralyǵynda jeke menshik ýniversitette bilim alýshylardyń sany 53,8% ósken. Bul týraly QR Bilim jáne ǵylym ministrligi ótkizgen jiynda aityldy, dep habarlaidy QazAqparat.
«Qazirgi ýaqytta elimizde jalpy 127 joǵary oqý orny bar, onyń ishinde 70 - jeke menshik. Jalpy bilim alýshylardyń sany 624 263 adamdy quraidy. Qazirgi ýaqytta joǵary oqý oryndarynyń 55%-y jeke menshik uiymdar. Olarda 391 309 adam oqýda (47 421-y memlekettik tapsyrys boiynsha)», - deidi Joǵary jáne joǵary oqý ornynan keiingi bilim departamentiniń direktory Ádilet Toibaev.
Onyń aitýynsha, jeke menshik ýniversitetterdegi bilim alýshylardyń sanynyń jyl saiyn ósýi baiqalady. Mysaly, 2016-2020 jyldar aralyǵynda 53,8% ósken.
«Atap aitqanda, kontingenti eń kóp jeke menshik joǵary oqý oryndary: Shymkent ýniversiteti – 15 527, Qazaqstan injenerlik-pedagogikalyq Halyqtar dostyǵy ýniversiteti – 12 717, «SilkWay» ýniversiteti – 9 320 jáne olardyń barlyǵy bir óńirde ornalasqanyn eskerý qajet. Iaǵni, is júzinde birqatar jekemenshik ýniversitetterdi óz kontingenti boiynsha Ál-Farabi atyndaǵy QazUÝ, L.Gýmilev atyndaǵy EUÝ siiaqty ulttyq ýniversitettermen salystyrýǵa bolady. 2030 jylǵa qarai JOO túlekteri eki esege kóbeiip, sany 301 602 adamǵa jetedi dep kútilýde», - deidi ol.
