Foto: ashyq derekkóz
Úkimet farmatsevtikalyq óndiristerdi lokalizatsiialaý boiynsha QR Densaýlyq saqtaý ministrligi men «AltINFARM» JShS, «MSP-ROMFARM» JShS, «Abdi Ibragim Global farm» JShS jáne «Nobel Almaty farmatsevtika fabrikasy» AQ arasynda investitsiialar týraly kelisimder jasasýdy maquldady. Bekitilgen jobalarǵa tartylǵan investitsiialardyń jalpy kólemi 173 mlrd teńge, dep habarlaidy Ult.kz.
Premer-ministr Oljas Bektenov tiisti qaýlylarǵa qol qoidy.
Jobalardy júzege asyrý arqyly áleýmettik mańyzy bar dárilik zattardy qosa alǵanda, 356 dári-dármek túriniń óndirisin lokalizatsiialaý kózdelgen. Óndiristik jeli onkologiialyq aýrýlar men qant diabetin emdeýge arnalǵan dárilerdi, sondai-aq immýnobiologiialyq, virýsqa qarsy, antianemiialyq, aýyrsynýdy basatyn, qabynýǵa qarsy, sýyq tiiýge qarsy jáne mikrobtarǵa qarsy preparattardy qamtidy.
Jańa kásiporyndar Almaty qalasynda (eki joba), sondai-aq Túrkistan jáne Almaty oblystarynda ornalasady.
Atap aitqanda, «AltINFARM» JShS jobasy boiynsha farmatsevtikalyq zaýytty Almaty qalasyndaǵy «Innovatsiialyq tehnologiialar parki» arnaiy ekonomikalyq aimaǵynda salý kózdelip otyr. Investitsiia kólemi 58,5 mlrd teńgege baǵalanýda. Joba aiasynda 54 dárilik zat túrin shyǵarý josparlanǵan, onyń 35-i – áleýmettik mańyzy bar preparattar. Óndiristik portfelge immýnobiologiialyq preparattar, sondai-aq onkologiialyq aýrýlar men qant diabetin emdeýge arnalǵan dári-dármekter kiredi. Joba aiasynda 60 jańa jumys ornyn ashý kózdelgen. Strategiialyq seriktester retinde Sinopharm, Sinovac jáne Kangtai Biological Technology kompaniialary qatysady.
«Nobel Almaty farmatsevtika fabrikasy» AQ jobasy sondai-aq Almatyda halyqaralyq GMP standarttaryna sáikes belsendi farmatsevtikalyq ingredientterdi, dárilik zattar men biopreparattar óndirýge arnalǵan farmatsevtikalyq keshen salýdy kózdep otyr. Investitsiia kólemi – 39,2 mlrd teńge. 53 dárilik zat shyǵarý josparlanǵan, onyń ishinde 17-si – áleýmettik mańyzy bar. Joba aiasynda keminde 200 jumys ornyn ashý kózdelgen. Strategiialyq seriktes – Nobel İlaç.
«Abdi Ibragim Global farm» JShS jobasy aiasynda Almaty oblysynda kópsalaly óndiristik jelileri bar farmatsevtikalyq keshen qurý kózdelgen. Investitsiia kólemi – 39 mlrd teńge. 76 dárilik zat shyǵarý josparlanǵan, onyń ishinde virýsqa qarsy preparattar, II tipti qant diabetin emdeýge arnalǵan dári-dármekter jáne antianemiialyq preparattar bar. Joba aiasynda keminde 150 jumys orny ashylady. Strategiialyq seriktes – Abdi Ibrahim.
«MSP-ROMFARM» JShS jobasy boiynsha investitsiialardyń jalpy kólemi 36,7 mlrd teńge bolatyn joǵary tehnologiialy farmatsevtikalyq zaýytty Túrkistan oblysyndaǵy TURAN arnaiy ekonomikalyq aimaǵynda jáne Almaty oblysyndaǵy óndiristik alańdarda salý kózdelgen. Joba aiasynda 101 dárilik zat, onyń ishinde aýyrsynýdy basatyn, qabynýǵa qarsy, sýyq tiiýge qarsy jáne mikrobtarǵa qarsy preparattar óndirý josparlanǵan. Shamamen 265 jumys orny ashylady. Jobanyń seriktesteri – World Medicine jáne Rompharm kompaniialary.
Investitsiialyq jobalardy júzege asyrý sheńberinde barlyǵy shamamen 675 jańa jumys orny ashylady.
Zaýyttar qurylysy jáne olardy iske qosý qazaqstandyq dárilik zattar óndirisiniń úlesin aitarlyqtai arttyrýǵa, farmatsevtika naryǵyndaǵy importqa táýeldilikti azaitýǵa, dári-dármekpen qamtamasyz etý júiesiniń turaqtylyǵyn nyǵaitýǵa jáne halyqty otandyq óndiristiń sapaly ári qoljetimdi dári-dármekterimen qamtýǵa múmkindik beredi. Bul dári-dármek qaýipsizdigin arttyrý men densaýlyq saqtaý júiesiniń turaqtylyǵyn kúsheitýdiń mańyzdy elementteriniń birine ainalady.
