"Qazgidromet" 1-3 qyrkúiekke arnalǵan aýa raiy boljamyn usyndy, - dep habarlaidy "Ult aqparat".
Sinoptikter boljamyna sáikes, aldaǵy kúnderi respýblikanyń soltústik jartysyna soltústik-batys tsiklon jyrasy áser etedi, jańbyr, naizaǵai, jel kúsheiedi dep kútiledi, al eldiń ońtústik jartysynda jaýyn-shashynsyz aýa raiy saqtalady.
"Aýa temperatýrasy respýblikanyń qiyr batysynda kúndiz +33+38 gradýstan +23+31 gradýsqa deiin, respýblikanyń soltústik-batysynda +31+38 gradýstan +25+35 gradýsqa deiin tómendeidi dep kútiledi, eldiń soltústiginde termometrler +30+35 gradýs belgisine jetedi, respýblikanyń ortalyǵy men ońtústik-shyǵysynda aýa temperatýrasy +30+38 gradýsqa deiin, shyǵysta +27+38 gradýsqa deiin, ońtústikte +35+40 gradýsqa deiin joǵarylaidy dep boljanady", - delingen habarlamada.
